VOV4.M'nông: Ta n'gor Khánh Hòa aƀaơ dôl ƀư 2 gâl trong cao tốc Bắc - Nam đah rnoh jong 54km. Ăp n'gâng kan, ăp nkuâl dôl ndăn ngăch an ƀư 2 gâl trong cao tốc nthoi Vân Phong - Nha Trang n'hanh trong cao tốc Khánh Hòa - Buôn Ma Thuột. Ăp trong cao tốc ƀư lôch jêh mbra buăt nthoi, nta trong dơh an nkual Nam Trung bộ hun hao ngăch lơn.

8 khay aơ, rlău âk jêr jŏt tă bah  nuh srê Covid-19, trôk nar tât ndal, nău nchrăp ƀư du đêt gâl trong cao tốc njăr trong hăn Bắc - Nam mpeh luh nar lvang năm 2017- 2020, gâl hăn rlău n'gor Khánh Hòa ndăn ƀư ngăch. Trong nchrăp tâm pă ƀư jêng 2 gâl, lah gâl hăn Nha Trang - Cam Lâm jong 49 km n'hanh gâl Cam Lâm - Vĩnh Hảo jong 5km, dơi ntuh kơl tĭng trong tâm ton BOT lah tơm prăk Ngih dak n'hanh tơm prăk nuĭh ntuh kơl. Tât aƀaơ, trong Nha Trang - Cam Lâm hŏ rlău rnoh ngăch ndơ̆ luh 1 khay, nchrăp ƀư lôch jêh tâm n'gul năm 2023, ơm lơn rđĭl đah trong nchrăp 3 khay./.

Nuĭh rblang: Điểu Thân