VOV4.M’nông: Kêng măng 30/5, Rmôt hăn kan mrô 8 bah Rnâng kan rđau kan Trung ương mpeh nau njrăng, rdâng sa khâm, nau tih (Rnâng kan rđau kan) yor wa Lê Minh Trí, Uỷ viên Trung ương Đảng, Kruanh Viện kiểm sát ƀon lan gưl prêh, Uỷ viên Rnâng kan rđau nau kan ƀư tơm rmôt hŏ geh nar pah kan đah Đảng uỷ Công an Trung ương gay ntrŭnh ƀư nau nchrăp mrô 18 bah Rnâng kan rđau kan. Ntoh nau tâm nar kan, wa Lê Minh Trí mbơh, nkô̆ nau bah rơh mêt uănh aơ lah gay nchră nau dơi, nau tă geh dơi, ăp nau ê dơi, nau kol, nkô̆ nau tâm nau rđau, đă ndrel ƀư kan.

Bah nê, saơ, đă rklaih ăp nau kan geh nau tih mpeh sa khâm, văng sa, nau mô tâm di ma mô geh rklaih dơi mô lah rklaih tĭng nau ntrŭnh bah Đảng ndrel pháp luật bah Ngih dak, rklaih mô lah đă rklaih mhal rjăp ăp nau tih, nau mô tâm di pháp luật, der, mô ndơn ăp nau mêt uănh, uănh năl rnoh ma mô geh ntŭk nsing, nchrăp luh ăp nau kan, nau ƀư gay ma n’hao nau săk tam ngăn đah nau saơ, ntrơn jao, ndơn, rklaih ăp nau mpeh phung tih dôih ndrel nau kan uănh năn, năl rnoh./.

Nŭih rblang: H’Thi