VOV4.M’nông: Kêng măng 5/10, ta ngih kan Quốc hội, Uỷ viên Bộ chính trị, Groi Kruanh rnâng kan Quốc hội Trần Thanh Mẫn hŏ geh nar pah kan đah Kruanh Quốc hội dak Lào, Kruanh Uỷ ban đăp mpăn ndrel tâm rnglăp Lào Sommad Pholsena ndrel rmôt kan ntoh măt Uỷ ban đăp mpăn ndrel tâm rnglăp Lào tât khâl, pah kan ta Việt Nam. Ntoh nau tâm nar vơt, Groi Kruanh Rnâng kan Quốc hội Trần Thanh Mẫn bơh, rđau kan Đảng, Ngih dak, Quốc hội Việt Nam mro kơl an,.

Pơk trong nơih gay ăp ntŭk kan ƀon lan Việt Nam mô rlu n’hao lơn, ntrŭt dăng nau tâm boh ndrel tâm rnglăp đah ăp ntŭk kan ƀon lan Lào. Tâm ban đah ăp nau đă bah Kruanh Rnâng kan Quốc hội Trần Thanh Mẫn, Groi Kruanh Quốc hội Lào Sommad Pholsena mbơh, mpeh Lào lŏ nkoch trêng, ntĭm mbơh nau tâm rnglăp tâm boh ueh khlay đah 2 dak, ntrŭt dăng nau tâm n’ur văn hoá, tâm boh nau kan tăch rgâl, pâl n’aih./.

VOV/ Nŭih rblang: H’Thi