VOV4.M’nông: Ôi lơ 26/4 hŏ geh rơh rƀŭn âk rmôt kan tâm nkuăl ASEAN mpeh nau ntrŭt dăng nau ƀư nau ntrŭnh nau ton Hà Nội mpeh nau ntrŭt dăng nau ƀư nau kan rêh jêng, rƀŏng tât du nsum mpôl ASEAN tâm rgop ndrel nchrăp ƀư nau kan. Nau kan yor Bộ Lao động-Thương binh ndrel Xã hội tâm rgop nsum đah Tơm prăk kơl an kon se Liên hợp quốc ƀư, đah nau râng bah ăp dak kan nsum tâm nkuăl tĭng nau kan trực tuyến. Râng rơh rƀŭn, ăp ntoh măt mra rgum tâm nchră ăp nkô̆, geh: N’hao nau kan gĭt ndrel nau ƀư bah ăp ding geh tât mpeh Nau mbơh Hà Nội ndrel ntrŭt dăng nau ƀư nau kan kơl an tâm nau ntĭm nti, dak si ndrel mât trôk nar lơh, ndâk njêng ăp nau mĭn gay ma ndâk mbơh mpeh nau kan kơl an tâm nau rêh tâm ăp ntŭk ƀư kan ndrel rnoh cán bộ ƀư nau kan kơl an tâm ăp dak kan nsum ASEAN./.

Nŭih rblang: H’Thi