Kêng măng 23/9, ta nkual ƀon têh Buôn Ma Thuột, UBND n’gor Dak Lak kan nsum đah Nhih nti Đại học Tây Nguyên ƀư tâm nchră ntrŭt ntrôl trong kơl ntơm njêng nău kan rgâl mhe n’gor Dak Lak.

Ntơm năm 2018 tât aƀaơ, n’gor Dak Lak hŏ n’gluh an siƀŭt ƀư jêng ngăn ngăn ăp nkô̆ Đề án ntop kơl ntơm njêng nău kan rgâl mhe gưl neh dak tât năm 2025, rdâk njêng n’hanh n’glăp dŏng ntŭk ƀư ntơm njêng nău kan rgâl mhe n’hanh Cổng thông tin điện tử ntơm njêng nău kan rgâl mhe n’gor; tât leh ƀư ăp rơh “Cà phê doanh nhân” gay ntop kơl mpôl ntơm njêng nău kan. Râng rgum nchră, PGS.TS. Lê Đức Niêm, Groi Hiệu trưởng Nhih nti Đại học Tây Nguyên an lah, trong kơl ntơm njêng nău kan rgâl mhe ta Dak Lak dôl ta rnoh 2, lah rnoh gưl jâng ntơm mô hŏ ƀư lôch jêh. Jêng, ân ƀư ăp tŏng mpeh tơm prăk, ntĭm nti…Ăp nuĭh râng nchŏng luh ăp ntŭk rbăn lhơ, mpăng đêt aƀaơ bah trong kơl ntơm njêng nău kan rgâl mhe ta Dak  Lak, ntơm bah nê n’gluh ăp trong nkra gay hun hao tay trong kơl di trong rƀŏng.