Rơh rlau aơ, bri nar ta Dak Lak duh dŭt hô, nau duh geh rnôk rlau 32 độ, ndrel nchrăp mbơh bri duh nar mra hôm jŏ jong. Tĭng Công ty Điện lực Dak Lak, yor nau dŏng ăp ntil ndơ ƀư n’ik hô, rnoh điện geh dŏng hao âk. Gay der bah oi nau điện dŏng hao prêh ndrel ƀư jâk ir tâm ntrong pă điện, ndrel ma nau ntrŭnh ƀư ăp nau kan kỹ thuật, ntŭk kan mpoh ang điện nkah đă ăp năch dŏng điện ân geh ƀư têm nkrem, tâm di ndrel đăp mpăn tĭng 4 nau tâm di:

“Di rnôk, di ntŭk, di nau dŏng ndrel tŏng dơi nau ŭch: ndrel sâm “N’hât lơi ŭnh điện mô geh dŏng”. Điện lực Dak Lak kŏ ntrŭt dăng nau mbơh nkoch tât đah ƀon lan dŏng điện ân đăp mpăn, têm nkrem bah ăp n’ha săm ƀŭt nkoch mbơh ndrel tâm ăp ntŭk nkoch mbơh nau ngơi ntoh rup, websitr, mạng xã hội.../.