Ta rơh rƀŭn nchră ăp khay bâh n’gâng kan nchră nău đah dak bah dih geh ƀư kêng măng lơ 29/2 ta Hà Nội, ơh nău ôp geh tât nău mĭn bâh nuĭh Việt Nam ta năp nău  Trung Quốc leo duk dak lêng tât pah kan ta Bãi Tư chính ta nkual neh bâh Việt Nam, nuĭh ntoh ngơi n’gâng kan nchră nău đah dak bah dih Phạm Thu Hằng lah n nê̆, nău mĭn bâh Việt Nam đah ndrâm Tư Chính lah dơn ngoăy n’hanh lĕ geh lah na nê̆ âk tơ̆.

Tĭng nĕ, ndrâm Tư Chính lah du gâl nkual neh Việt Nam n’hanh geh uănh năl tâm di đah Công ước Luật dak lêng LHQ năm 1982. Việt Nam nsrôih dun ăp nău pah kan ƀư tih nău ƀư tơm, nău dơi mbơh nău kan đah ăp nkual dak lêng bâh Việt Nam geh uănh năl lĕ rngôch tâm di đah luật pháp lam ntur neh, ngăn lah Công ước bâh Liên hợp quốc mpeh Luật dak lêng năm 1982. Việt Nam dôl n’hanh mbra nsrôih ƀư tĭng mât ăp nău dơi n’hanh nău geh tâm di pháp luật, tâm di ta dak lêng bâh nơm đah ăp trong kan đăp mpăn tâm di đah luật pháp lam ntur neh.