VOV4.M'nông: Dơn hôm đêt nar dơm đŏng lah hŏ tât Tết Trung thu, tâm rnôk dja, ntŭk tăch rgâl ndơ pâl rhŏ dŏng an nar lễ ta Gia Lai dôl khuh n'gôr, ndơ pâl an kon se dơi pla tăch âk ntil, têh jê̆ gŭr êr mpeh weh ƀư, săk ntô ...yơn rngơt rngăt ndơ pâl ƀư ma ti way ơm. Tĭng treng ŭanh bah phóng viên ta ăp ntŭk tăch ndơ pâl an kon se ta trong Phan Đình Phùng, Phường Tây Sơn, nkual ƀon têh Pleiku ăp nar dja khuh n'gôr tăch tât rvăt.

Ndơ pâl trung thu năm aơ săk ntô âk ntil, rnoh khlay thuk oi rđĭl đah năm bah năp nơh nklăp 10%. Bol ma kơt nê̆, ta ăp ntŭk tăch kơt lah rngơt rngăt ndơ pâl way ơm ƀư ma ti. Nuĭh tơm tăch ndơ pâl Đặng Thị Thùy Dương, an gĭt, ndơ pâl tăch dŭt peh lah đèn lồng dŏng pil đah rnoh khlay ntơm bah 50.000 rbăn prăk tât 140.000 prăk 1 mblâm uănh tĭng ntil. Ăp ndơ kơt ndôp măt nhựa ăp rup hoạt hình geh rnoh khlay ntơm bah 20.000 prăk tât 25.000 prăk du mblâm; bôk lân geh rnoh klhlay ntơm bah 150.000 prăk hao tât rlău 1 rkeh prăk uănh tĭng ntil...

Nuĭh rblang: Điểu Thân