Bâh ôi lơ 10/9, bôk ndeh rdeng ndơ 15 tấn lĕ geh dơn ndơ kơl an ta Quảng trường 10/3 ta nkuăl ƀon têh Buôn Ma Thuột. Kanŭng ta du ôi, ndeh lĕ geh dăp bêng âk ndơ kơt mì tôm, banh mi, dak ngêt ta gri, dak toh, ao phao, ao răm. Mô dơn ndơ̆ ndơ tât tâm rgop, âk nuĭh hôm nha ndơ̆ mbơh ta mạng xã hội gay ma trĕ lam hvi bôk nău kan. Geh âk nuĭh ƀon lan tât tâm rgop, bâh ăp kon hoc, ăp kônh yơ mât ăp nău kan jâng ti, tahen, n’hanh lĕ ma nuĭh ranh. Rmôt kan tâm kơl aơ an gĭt, bôk nău kan tâm rgop mbra dơn ndơ tât lĕ nar 14/9, ăp bôk ndeh rdeng ndơ kanŭng rdeng ndơ ngêt ndơ sa, mô dơn prăk. Ndrel đah Đăk Lăk, rmôt kan lĕ geh ƀư dơn ndơ ta nkuăl Dak Song, n’gor Đăk Nông, n’gor Gia Lai n’hanh n’gor Kon Tum.