VOV4.M’nông: Tâm nar vơt rmôt kan ntoh măt nŭih geh n’hâm kơl an neh dak kăl e bah n’gor Dak Nông ndrel nkuăl ƀon têh Tam Kỳ, n’gor Quảng Nam bah Bộ Lao động-Thương binh ndrel Xã hội geh ƀư kêng măng 10/6, ta Hà Nội, âk nŭih geh n’hâm ŭch, nau kan joi, rgum nting tahen khĭt kăl e ndrel năl moh săk bah ăp nŭih tahen khĭt rnôk ê năl moh ân geh ntrŭt dăng lơn tay. Tâm nar vơt, ntoh măt rmôt kan nŭih geh n’hâm bah n’gor Dak Nông ndrel nkuăl ƀon têh Tam Kỳ, n’gor Quảng Nam lah rjăp: Nau kan kơl an đah nŭih geh n’hâm kơl an cách mạng mro geh Đảng ndrel Ngih dak he uănh kơl an bôk năp.

Yơn lah, ngoai tâm ăp nau kan ma nŭih geh n’hâm hôm rvê nê lah nau joi, rgum nting tahen khĭt ndrel năl moh săk bah ăp nting tahen hôm ê geh năl geh ntrŭt dăng lơn tay. Ntoh nau tâm nar vơt, Kruanh n’gâng kan Lao động-Thương binh ndrel Xã hội Nguyễn Bá Hoan lah rjăp đah ăp nau kol tâm nau rklaih hồ sơ hôm kol bah nŭih geh n’hâm, nau kan joi, rgum nting tahen khĭt kăl e ndrel uănh năl moh săk bah ăp tahen khĭt hôm ê geh năl ri bol ma moh nau jêr kŏ ân geh lŏ ƀư tay./.

Nŭih rblang: H’Thi