Kahgĭt 133 năm nar deh kruanh Hồ Chí Minh (19/5/1890 - 19/5/2023), ôi lơ 18/5, Mpôl đại biểu BCH Trung ương Đảng, kruanh dak, Quốc hội, Chính phủ, Ủy ban Trung ương MTTQ Việt Nam lĕ an kao si, lăp ta Lăng chop kruanh Hồ Chí Minh n’hanh su nhang, kahgĭt ăp tahen khĭt tâm lơh kăl e ta ntŭk ndah rup ăp tahen khĭt tâm lơh kăl e ta trong Bắc Sơn.

Ta năp huêng Kruanh Hồ Chí Minh, ăp đồng chí leo kan Đảng, ngih dak mpơl nău lah ueh dŭt n’hâm đah wa Hồ, nuĭh mĭn kan, nuĭh leo kan n’hanh tiăr nti Đảng he. Kao si bâh mpôl hăn đah nău nchih “Lĕ nău rêh kahgĭt Hồ Chí Minh têh khlăy”. Kahgĭt 133 năm nar deh wa Hồ, lĕ Đảng, lĕ tahen, lĕ ƀon lan he an geh ƀư tĭng tay ăp nău ntĭm leo khlăy bâh wa Hồ gay ma ndơ̆ Nghị quyết Đại hội 13 bâh Đảng lăp tâm nău rêh, ƀư tĭng dơi ăp bôk nău kan wăng sa- rêh jêng, nsrôih rdâk njêng neh dak he ăp nar lơ ma dăng, hăn ndrel đah ăp dak têh kuăng ta lam ntur neh kơt wa Hồ ŭch rŏng.