VOV4.M’nông: Kêng măng 22/4, wa Marc Knapper, nŭih ntoh măt mhe bah Mỹ ta Việt Nam tât mbah ndrel pah kan đah rđau kan nkuăl ƀon têh Đà Nẵng. Wa Marc Knapper rnê prêh ntŭk ntu ntuh kơl bah Đà Nẵng. Wa Marc Knapper ân gĭt hŏ ndâk ntŭk ƀư gŭ kan ta Đà Nẵng rmôt ƀư nau kan tăch rgâl Hoa Kỳ ta Việt Nam. Bah ntŭk kan aơ, rơh tât, mra geh âk nŭih ntuh kơl bah Mỹ tât Đà Nẵng joi nau kan gay ma pah kan, yor Đà Nẵng lah ntŭk pâl n’aih ntoh lư geh lam ntur neh ŭch.

Nkuăl ƀon têh Đà Nẵng geh rmôt nŭih pah kan geh nti nau kan blau, geh trong mpông dak lêng, trong tach ndeh mpăr đah dak ba dih ndrel ntŭk pah kan ntuh kơl âk. wa Marc Knapperton mra ntrŭt dăng ăp tơm ntuh kơl bah Mỹ tât, mô êng njêng nau ueh ân ăp ntŭk ƀư nau kan tăch rgâl pah kan jan sa ma hôm rgop nau ƀư nâp nâl nsum bah ƀon lan Đà Nẵng. Wa Nguyễn Văn Quảng, Bí thư Thnàh uỷ Đà Nẵng đă đah nau kan bah nơm, wa mra ntrŭt dăng ueh lơn nau tâm boh đah ntŭk kan tăch rgâl bah Mỹ tâm Việt Nam đah nkuăl ƀon têh Đà Nẵng./.

Nŭih rblang: H’Thi