Nthoi tay nar pah kan bah Rơh hop tâl prao, HĐND n’gor Dak Lak khóa X, nar ntri (13/7) ăp đại biểu tâm nchră ăp nkô̆ khlay geh tât tĭng ƀư ăp rnoh tât kan, nău dơn kan hun hao wăng sa- rêh jêng kon nuĭh, đăp mpăn njrăng n’gang neh dak- rnă njrăng năm 2023 n’hanh nkô̆ ăp trong nchrăp Nghị quyết.

Bah meng ăp rmôt trong nkra mpeh n’hao sŏk geh ngân sách Ngih dak, wăch rgum ntuh kơl, hun hao buăt nthoi ntung trong, ntik ăp tơm suan dăng, săk geh, dơh uĕh bah tĭng ntŭk, ăp đại biểu an lah Dak Lak ân uănh khlay lơn đŏng tât trong kơl nkual rnoi mpôl đê̆, chroh rƀŭn. Ta rơh hop tâl prao, HĐND n’gor Dak Lak khóa X, ăp đại biểu rong an âk mông nar gay tâm nchră mpeh nău ntrôl dăng pah kan ntĭm nti jêng nău kan lam nău rêh jêng kon nuĭh; tâm pă rnoh biên chế tâm di an tĭng nhih pah kan, đơn vị, gŭ mĭn, n’hao dăng trong nkra gay n’hao dăng tay nău tam bah bôk nău kan rdâk njêng ƀon lan mhe; rdâk njêng tay ăp ndơ geh ƀư OCOP kah khlay, ntĭt êng bah tĭng ntŭk gay tât đah ntŭk tăch rgâl tâm n’hanh bah dih dak./.