Ôi aơ (8/12) ta tach ndeh păr Gia Lâm, Hà Nội ƀư ntơm pơk pla n'hơ ndơ njrăng n'gang neh dak đah dak bah dih 2022, đah nău tât râng bah 30 dak lam ntŭr neh.

Ƀư ntơm bah aơ tât nar 10/12, aơ lah lor bôk năp pla n'hơ ndơ njrăng n'gang neh dak đah dak bah dih dơi ƀư ta dak he. Tĭng trong nchrăp, ta rơh ntơm pơk mpôl tahen trôk Việt Nam mbra mpăr mbah rhơn pla n'hơ. Rơh mpăr đah nău tât râng bah rmôt ƀĭt ndeh păr kung n'hanh ndeh păr tiêm kích SU-30MK2 dêh rkĭt kalơ trôk Thủ đô Hà Nội. Ngoăy tâm ăp trong mpăr jêr lah rmôt mpăr nkôp 2 bôk, 4 bôk tâm mprĭp rup joch nkre đah rmôt ndeh păr tiêm kích bah Trung đoàn 927. Êng đah ăp tơ̆ mpăr hăn rsong uănh mât njrăng kalơ trôk neh dak, rơh dja, ăp trong mpăr ta nklang trôk Hà Nội mbra ndjôt tĭng nău n'hao êng săk mpeh suan dăng n'hanh nău gĭt blău ngăch prăl bah tahen trôk Việt Nam gay njêng luh săk mpơl nkah uĕh đah ƀon lan n'hanh băl mpôl dak bah dih.

VOV/Nuĭh rblang: Điểu Thân