Kêng măng 13/6, ta Ngih chính phủ, Groi Thủ tướng Trần Hồng Hà ƀư tơm rơh rƀŭn uănh năl nău kan nkra di Dăp rgum nsum Thủ đô Hà Nội tât năm 2045, uănh tât năm 2065. Groi Thủ tướng đă Hà Nội ơm mbơh ƀư nău kan nkra di Dăp rgum nsum Thủ đô. Tâm nĕ Dăp rgum an uănh tât ntŭk ntô mŭr n’hanh ntŭk trong mŭr.

Nău rƀŏng bah Dăp rgum lah hun hao Hà Nội jêng đô thị mhe, uĕh blău mhe, leo trong n’hanh ƀư an rêng hvi, tâm rgop nkual đô thị; jêng ta nklang, ntrôl hun hao nkual dâng rđŭng dak me Hồng, nkual wăng sa khlay Bắc bộ n’hanh lam dak. Hà Nội mbra ntrôl hun hao ăp đô thị vệ tinh, nkual ƀon têh mpeh tâm; mât uănh rjăp hun hao jay gŭ prêh dăp ta nklang nkual; mbơh ƀư tâm ban ăp bôk nău kan nkra rgâl tay, dăp, ndâk njêng đô thị; hun hao ntŭk ntô mŭr đô thị; ndâk njêng nkual ƀon lan mhe tâm di đah đô thị, mât nău uĕh văn hóa way ơm, mât njrăng ntŭk ntô, ƀư jêng nâp nâl.