Êng ăp khay kêng dŭt năm hŏ geh 1.500 doanh nghiệp ân hŭch ndơ kan ƀư 42.000 nuĭh kan roh nău kan. Gay ntop kơl nuĭh kan rlău dơi rơh dŭt jêr jŏt dja, Tổng Liên đoàn Lao động Việt Nam kan nsum đah nhãn hàng Bia Saigon mpeh Tổng công ty Bia - Ndrănh - dak njŭng Sài Gòn (SABECO) n'hanh Trung ương Đoàn Thanh niên Cộng sản Hồ Chí Minh ntơm ƀư bôk  nău kan "Ndrel ƀư jêng geh Tết”, pă an 8.000 nklâm ndơ Tết an nuĭh kan lam dak.

Bôk nău kan "ndrel ƀư ân geh Tết" ƀư ntơm bah nar 7 khay 1 tât nar 15.1.2023. Tĭng nê, 8.000 nklâm ndơ Tết đah rnoh khlay 5,6 rmen prăk mbra dơi pă an nuĭh kan ta 11 n'gor nkual ƀon têh lam dak. Ăp nklâm ndơ rnoh khlay 700.000 prăk lah 300.000 prăk măt n'hanh ăp ndơ  dŏng sa khlay nar Tết. Tâm rnôk Tết tât năm mhe sĭt, Bôk nău kan "Ndrel ƀư jêng geh Tết” hôm ndjôt tât ăp ntŭk Tết 3 mpeh ta 5 n'gor nkual ƀon têh Hà Nội, Nghệ An, Bình Dương, Dak Lak, Long An đah ăp nău pâl rlưn way ơm n'hanh âk nău kan uĕh mƀak êng ƀa ƀă.

VOV/Nuĭh rblang: Điểu Thân