Lơ 2/6, ta nkuăl ƀon têh Pakse, n’gor Champasak, Nam Lào, Ntŭk kan ntoh măt bah Việt Nam ta Pakse ƀư pă nklâm ndơ bah Kruanh Quốc hội Vương Đình Huệ ân ƀon lan Việt Nam tâm 4 n’gor bah mpeh ba dâng dak Lào. Tâm nar rƀŭn, ntoh măt bah Việt Nam pă 2 tấn săm ƀŭt ăp til ân nau kan ntĭm nti nau ngơi Việt ân kon se rnoi Việt Nam tâm 4 n’gor geh, Champasak, Attapue, Salavanh ndrel Sekong.

Ntoh nau ta aơ, wa Nguyễn Văn Trung, Rđau kan ntoh măt Việt Nam gŭ kan ta Pakse lah rjăp, aơ lah nau kơl an bah rđau kan Đảng, Ngih dak, ngăn lah bah Kruanh Quốc hội Vương Đình Huệ đah nsum mpôl, kônh wa rnoi deh Việt Nam rêh tâm 4 n’gor Nam Lào, mpơl saơ ân nau kan tâm ban ndrel mro mrăng “Đảng ndrel Ngih dak Việt Nam mro uănh nsum mpôl nŭih Việt Nam tâm dak ba dih lah du gưl mô dơi nkah bah nsum mpôl Việt Nam”./.