Công ty Điện lực Dak Lak hŏ ndrel dôl ƀư âk nau kan n’hêl “Ƀư têm nkrem, njrăng mpŭng lir” tĭng nkô̆ năm 2023. Tĭng nê, ăp rmôt kan ntrŭt dăng nau ƀư dŏng nau kan khoa học, công nghệ tâm nau mât dŏng trong điện, ƀư ueh ăp nau kan ndrel mât ân dơi gay ma n’huch oi nau roh hoach bah trong điện, n’hao nau rnơm tâm nau pă điện, mât ân rjăp rnoh geh leo dŏng tâm nau kan ê nkra tăch rgâl tâm ban ma nau dôl geh ngăn.

Ăp rmôt kan nsôih n’huch đê̆ ngăn lah 80% rnoh ndơ dŏng mhe. Ăp rnoh dŏng ƀa ƀơ kơt lah tâm nchră rƀŭn rgum, dŏng xăng ndeh, điện, dak, ndơ dŏng...geh leo dŏng ân tâm di. Nau kan ntuh kơl ƀư ân geh tơm, đăp mpăn ƀư jêh ăp nau kan tĭng tâm di ma nau nchrăp. Êp nê, ntŭk kan điện kŏ lŏ ntrŭt dăng nau kan nkoch mbơh nau ndrel ntĭm đă ăp nŭih năch dŏng điện ân têm nkrem, geh nau tam./.