VOV4.M’nông: Ƀư kơt tĭng nar lam ntur neh n’huch nau khuch bah trôk nar lơh ndrel nar ASEAN mpeh nau mât njrăng trôk nar lơh, ntơm lơ 13 tât lơ 19/10/2022, PC Dak Lak ƀư âk nau kan nkoch trêng, rgop nau n’hao nau mĭn, nau kan bah ăp rmôt ndrel êng nŭih tâm nau kan njrăng, rdâng trôk nar lơh. Đah nkô̆ “Nkah ơm ndrel ƀư kan ơm”, ăp rmôt kan điện lực Dak Lak mro mbơh nau.

  Rup gui mpeh nau kan njrăng rdâng trôk nar lơh tâm ăp ntŭk pơk mbơh nau, bôk nau kan đăp mpăn nau pah kan bah rmôt, tâm ăp trang web; mpla băng rôn tâm ăp ntŭk pah kan ndrel ăp ntŭk geh âk nŭih ƀon lan...Công ty kŏ mro nchrăp rmôt, ndeh dŏng, ndơ dŏng, mra ntrŭnh nkre ăp nau kan gay rdâng lơi lah geh nau tât bah trôk nar lơh, tât ndal.

Nar lam ntur neh n’huch nau khuch 13/10 geh ntơm ƀư tâm năm 1989, yor Liên hợp quốc ntơm ƀư gay ma ntrŭt dăng nau kan bah lam ntur neh gĭt tât nau n’huch nau khuch tât. Rmôt kan ăp dak Đông Nam Á kŏ sŏk nar aơ gay ƀư Nar ASEAN mpeh nau mât njrăng nau tât trôk nar lơh ăp năm./.

VOV/Nŭih rblang: H’Thi