Năm aơ, Công ty điện lực Dak Lak lĕ ƀư uĕh ăp nău kan dơi jao, lah ngoăy tâm âk ntŭk kan leo lor rmôt nkra njêng tăch rgâl bah Tổng Công ty điện lực Miền Trung. Tâm 11 khay bah năm 2022, điện bah PC Dak Lak geh 1.800 rkeh kWh, hao 2,8% nkôp đah rơh aơ năm e; rnoh đăp mpăn điện năng 4,4%, hŭch 0,25% nkôp đah rơh aơ n’hanh đêt lơn 0,6% trong nchrăp.

Ăp rnoh an ƀư mpeh nsing nơm pă điện, rnoh sŏk prăk điện dơi geh da dê n’hanh rlău nău nchrăp dơi jao. Tâm trong kan ntuh kơl ndâk ƀư, năm aơ, PC Dak Lak dơi jao rlău 233 rmen prăk ƀư tĭng mât uănh 90 nău nchrăp ƀư. Nchrăp tât lĕ năm 2022, điện lực Dak Lak mbra pă an prăk ntuh kơl nsum geh rlău 95%, rgop ntrôl ƀư tĭng nău kan hun hao wăng sa n’gor.

Ntŭk tâm pă điện Dak Lak