Ntơm bah bôk năm tât aƀaơ, Điện lực Dak Lak hŏ ƀư âk rơh nkoch trêng đăp mpăn hăn ntung trong, đăp mpăn bah tât rmanh pah kan. Ta ăp rơh nkoch trêng, ăp cán bộ công nhân viên hŏ dơi mbơh lam mpeh tĭng ƀư đăp mpăn hăn ntung trong, đăp mpăn bah tât rmanh kan n’gâng kan điện n’hanh ta n’gor Dak Lak; ăp quy định bah pháp luật mpeh đăp mpăn hăn ntung trong, văn hóa ntung trong, phát luật pah kan … lơn lah, ma nău rblang năl du đêt nău tât tih, ăp rơh tâm tom ndeh na nê̆, ăp cán bộ cảnh sát giao thông hŏ kơl ăp cán bộ công nhân n’gâng kan điện nkah tay nău gĭt, ntĭm nti nău blău râng hăn ntung trong gay der bah tât khĭt rmanh yô̆ nđach.

Dơi gĭt, pah kan nkoch trêng mbơh gĭt lam pháp luật mpeh đăp mpăn hăn ntung trong, đăp mpăn bah tât khuch rmanh kan lah nău way ƀư mbro bah n’gâng kan điện Dak Lak, rgop n’hao nău gĭt êng, nău dơn kan bah cán bộ công nhân tâm rnôk râng hăn ntung trong, pah kan ƀư njêng, tĭng ƀư jăp nău pă tŏng tơm điện đăp mpăn./.