Rong an ntŭk ƀư dak bât Krông Păch thượng, ntơm bah bôk năm tât aƀaơ, điện lực Ea Kar (Dak Lak) dôl kan nsum lhăt đah ăp mpôl kan tĭng ƀư nău ntrơn du, tâm pă ntŭk gŭ mhe an ăp rnăk ƀon lan xã Cư San (nkuâl M’Đrắk) sĭt ntŭk gŭ mhe mbrô 2, mpeh xã Cư Bông (nkuâl Ea Kar). Tĭng trong nchrăp, ntơm bah bôk khay 2 tât lĕ khay 4/2023, mbra geh 488 rnăk ƀon lan dơi ntrơn du bah n'glău dak bât Krông Păch thượng sĭt xã Cư Bông.

Điện lực Ea Kar hŏ ƀư 2 rmôt rnâng kan gay rhŏ dŏng pah kan đă ntrơn du. Rmôt 1 ntop kơl droh rse điện ta Cư San. Rmôt 2 ntop kơl ntrŭp điện ta ntŭk gŭ mhe Cư Bông gay ngăch đăp mpăn an nău rêh, nău kan nuĭh ƀon lan.

Tât bôk khay 3, ăp mpôl kan hŏ ntop kơl dơi 46 rnăk ntrơn du, rdâk nhih jay đăp mpăn ta ntŭk gŭ mhe.