Bah ntŭk pĭch rlâm neh ta Nkual ƀon têh Đà Lạt, n’gor Lâm Đồng, ăp rmôt kan dơi kan lĕ joi saơ ntŭk 2 nuĭh khĭt geh bŭl tâm neh ta nâm bê tông. Nău pĭch rlâm geh rnôk mih têh jŏ âk mông tâm măng 28/6 lĕ ƀư du kơh taluy prêh bơi 20m ta hẻm 36, trong Hoàng Hoa Thám, phường 10, nkual ƀon têh Đà Lạt geh pĭch rlâm tâm rnôk nklăp 2-3h ôi 29/6. Nău pĭch rlâm aơ ƀư 2 rnăk jay lĕ ntrôl luh ntŭk bôk năp, neh luh rlâm bŭl âk nuĭh.

Tĭng nô Lưu Xuân Đua, klăi ăp nuĭh rmanh, 2 hê geh rmanh lah ur sai ƀon tơm ta nkuăl Phú Hòa, n’gor Phú Yên, ndrel rlău 10 nuĭh êng bah Phú Yên tât Đà Lạt ƀư phung pah kan ƀư ngih wâl. Rnôk geh nău, knŭng geh 2 hê ur sai nuĭh rmanh bĭch tâm choang. Rlău 10 phung pah kan êng bĭch ta ntŭk kan bah meng nĕ jêng lap ngăch du. Rnôk geh nău, rmôt kan dơi kan n’gor Lâm Đồng lĕ geh măt ta ntŭk ndăn ƀư trong kan kơl, joi rmanh. Geh 5 nuĭh dơi kơl ngăch tâm neh bŭl n’hanh ndơ̆ hăn ngih dak săm ngăch.