VOV4.M'nông: Nar 20/4, Sở Văn hóa, Thể thao n'hanh Pâl nđaih Lâm Đồng hŏ ƀư rơh hop báo mbơh Pơh lễ Pâl nđaih Lâm Đồng năm 2022. Pơh lễ ƀư ta nkual ƀon têh Đà Lạt ntơm bah nar 21 tât lĕ nar 30/4, đah âk bôk nău kan tơm kơt: Nkoch n'hơ n'hanh mbơh gĭt pâl nđaih, nkoch ndơ sa kah "Đà Lạt", ăp ndơ geh ƀư tuch tăm ntĭt êng, văn hoá ăp rnoi nuĭh tâm n'gor, bôk nău kan ntrŭt nsôr pâl nđaih "nar khlay n'hanh mông khlay” bah ăp doanh nghiệp v.v...

aơ lah nar kan văn hóa - pâl nđaih, ndơ ngêt sa n'hanh thể thao, gay nkoch mbơh, nkơnh n'hơ, wăch rgum pâl nđaih tât Đà Lạt- Lâm Đồng, tâm ban kơt mât ndray, ntĭk hvi săk tơm văn hóa ăp rnoi mpôl, rdâk tay n'hanh hun hao ăp ƀon hăr blău ti kan way ơm nkre đah nău kan pâl nđaih. Lôch nê, rgop ntrŭt nsôr pâl nđaih an n'gor Lâm Đồng, đah nău ŭch wăch rgum geh rlău 5 rkeh tơ̆ năch pâl nđaih tâm năm aơ./.  

Nuĭh rblang: Điểu Thân