VOV4.M’nông - Kêng măng 22/3, ta nkual ƀon têh Hạ Long, n’gor Quảng Ninh, N’gâng kan Văn hóa, Thể thao n’hanh pâl nđaih tâm rgop đah UBND n’gor Quảng Ninh, ăp ntŭk kan geh tât ƀư rƀŭn nchră rgŏ jă pơk tay nău ƀư pâl nđaih: Việt Nam-rlong ƀư ngăn lĕ rngôch. Ta rƀŭn, wa Nguyễn Trùng Khánh, Tổng cục trưởng Tổng cục Pâl nđaih, N’gâng kan Văn hóa, Thể thao n’hanh Pâl nđaih lĕ mbơh trong pơk tay nău ƀư pâl nđaih n’ăp tâm dak n’hanh lam ntŭr neh tâm nău nâm ơm mhe đah ăp nău ntrŭnh đăp mpăn dơi ndơ̆ hao bôk năp. Lah pâl nđaih têh bah lam dak, n’gor Quảng Ninh lĕ nchrăp wơt năch đah trong ƀư văn hoá, thể thao, pâl nđaih jŏ jong tâm năm 2022. Êng tâm khay 4 mbra geh ăp nău ƀư ntoh lư kơt: Lễ hội Carnaval Hạ Long 2022, Lễ hội Ao dai, Tâm nđŭr ndơ ngêt sa, tâm nđŭr Xiếc lam ntŭr neh uĕh ngăn.

Nuĭh rblang: Y Sưng Phê Ja