Nthoi tay nar pah kan rơh hop tâl 5, Quốc hội ntêm an lĕ mông tâm nar ntri (29/5) gay groi nđôi gưl têh mpeh nău rgum, mât n’hanh dŏng ăp  tơm ndơ an pah kan njrăng, n’gang nuh srê Covid-19; nău tĭng ƀư trong kơl, pháp luật mpeh dak si tâm dâng, rnă ntêm lor. Mbơh rblang bah năp Quốc hội, Chủ nhiệm Ủy ban Xã hội bah Quốc hội, Groi Kruanh Mpôl groi nđôi bah Quốc hội Nguyễn Thúy Anh an gĭt, tât khay 4/2023, Mpôl groi nđôi hŏ dơn geh ăp siƀŭt mbơh rlău 15.659 plơp.

Mpôl groi nđôi an gĭt, mpeh nău rgum prăk njrăng n’gang nuh srê, Chính phủ nchih rgum lĕ rngôch tơm prăk dŏng an pah kan njrăng n’gang n’hanh tĭng ƀư trong kơl đăp mpăn lam rêh jêng kon nuĭh rgum geh lvang năm 2020-2022 nklăp 230.000 rmen prăk, tâm nê rgum geh bah ngân sách lah rlău 186.000 rmen, hôm ƀa ƀă lah lah ăp tơm ndơ êng ƀa ƀă. Geh tât nău rvăt kít xét nghiệm bah Công ty cổ phần Việt Á, Mpôl groi nđôi an gĭt tât bôk khay 5, tĭng nău mbơh bah Bộ Công an, ăp nhih pah kan ôp uănh hŏ lah phong 30 tơ̆ nău tih, 107 nuĭh tih./.