VOV4.M’nông – Nar aơ 6/6, Rơh rƀŭn tal 3, Quốc hội khóa 15 ntơm pơh bah kan tal 3. Ngoăy tâm âk nkô̆ nău khlay dơi ăp nuĭh ntoh măt tâm nchră ta rmôt aơ lah nău ntrŭnh ntuh kơl nău nchrăp ƀư tronh Vàng đai 3 nkual ƀon têh Hồ Chí Minh n’hanh trong Vành đai 4 nkual Thủ đô Hà Nội. Âk nuĭh way kan nkoch kloh, Hà Nội n’hanh nkual ƀon têh Hồ Chí Minh lah “mpông lăp” tâm nđŭr, lah ntŭk tât bah ăp nuĭh ntuh kơl n’hanh năch pâl nđaih dak bah dih. Nău ntuh kơl nău nchrăp ƀư trong vành đai 3 n’hanh 4, đăp mpăn an ntung trong soih luh mbra rgop khlay ntrôl, mpla nsơ, wăch rgum ntuh kơl n’hanh pâl nđaih lam ntŭr neh tât Việt Nam. Tĭng bôk naư kan rơh rƀŭn, tâm pơh aơ, Quốc hội mbra tâm nchră mpeh dự thảo Nghị quyết mpeh rlong ƀư du đêt trong ƀư, nău kơl hun hao n’gor Khánh Hòa; tâm nchră mpeh nău ndơ̆ tơm prăk an manh tay, mât n’gang Chính phủ jêng pă an tơm prăk ngih dak. Lơn lah, Quốc hội an 2 nar n’gul gay djăt nău ôp n’hanh nău ơh mpeh du đêt rmôt nău mpeh tâm nău kan lŏ mir n’hanh hun hao ƀon lan, nău kan prăk kaih, nău kan ngân hàng n’hanh nău kan nchoăn rdêng ntung trong.

Nuĭh rblang: Y Sưng Phê Ja