VOV4.M’nông: Ôi lơ 9/6, đah nau rđau kan bah Kruanh Quốc hội Vương Đình Huệ, Kruanh n’gâng kan tơm prăk Hồ Đức Phớc hŏ mbơh nau ơh nau ôp bah ntoh măt Quốc hội. Ăp nau ôp geh ntoh măt uănh ngăn nê lah nau mô ueh tâm nau uănh năl rnoh, ăp nau roh rui tâm nau kan ƀư rgum, nau der luật, mô ndơ̆ soay đah ndeh ân dơm, ntŭk tăch rgâl chứng khoán ndrel trái phiếu, nau kan đăp mpăn rnoh tăch săm ƀŭt ân kon se... Ntrong kan geh Kruanh n'gâng kan tơm prăk lah rjăp tâm nau mât ƀư nau uănh năl rnoh, ntŭk tăch rgâl chứng khoán ndrel trái phiếu lah n’hao nau kan mêt uănh, doh rklaih ăp nau jêr tâm rnôk ƀư rgum tâm di nau ntrŭnh. Mpeh săm ƀŭt nti, Kruanh n'gâng kan Hồ Đức Phớc mbơh mpeh nau ntrŭnh kơp rnoh ndrel ntoh du đê̆ nau đă leo săm ƀŭt nti lăp tâm nau uănh năl rnoh ndrel đah nkuăl jru, nkuăl ngai, ăp nŭih ach o kơl an./.

Nŭih rblang: H’Thi