VOV4.M’nông: Lŏ bôk nau kan rơh rƀŭn tal 3, Quốc hội gưl 15, ôi lơ 3/6, tâm nchră ta ngih rƀŭn mpeh nau ntrŭnh rlong ƀư nau kan nti kan pah, ntĭm ntrong kan, nti nau kan ân nŭih tă lôch gŭ ndrung, ăp ntoh măt ân lah nau ntrŭnh lah nau kan khlay kơl an ân nŭih tă gŭ ndrung geh nau kan nâp, nơih geh kan pah jêh lôch năm gŭ ndrung, gay “trong sĭt ngih bah nŭih tă gŭ ndrung gleh oi”, kơl an ăp nŭih tă mâp nau tih nơih pơk tay mpông nau rêh nơm. Ăp ntoh măt đă Chính phủ ntrŭnh ngăn nkô̆ nau, nau kan săch phung tih dôih leo tât ntŭk pah kan, nti nau kan, ntĭm kan bah dih ntŭk gŭ ndrung gay đăp mpăn nau ueh ndrel tâm di đah nau dơi ngăn tâm ăp ntŭk krŭng nŭih. Kêng măng, ăp ntoh măt Quốc hội tâm nchră ta rmôt mpeh nau nchrăp Luật rgâl nkra ntop tay du đê̆ điều bah Luật Tần số vô tuyến điện ndrel nau nchrăp Luật dak pring xăng (rgâl nkra)./.

Nŭih rblang: H’Thi