VOV4.M’nông – Nthoi tay bôk nău kan rơh rƀŭn tal 3, ôi 14/6, Quốc hội lĕ nsơr ty mbơh an Luật Cảnh sát cơ động n’hanh Nghị quyết mpeh nău ndâk njêng Mpôl grôi nđôi chuyên đề bah Quốc hội năm 2023. Đah 91,16% rnoh phiếu nuĭh ntoh măt Quốc hội geh măt tâm ban ŭch, Quốc hội lĕ mbơh an Luật Cảnh sát cơ động. Luật geh 5 chương, 33 điều, nău ntrŭnh: Cảnh sát cơ động lah rmôt vũ trang ƀon lan mpeh tâm Công an ƀon lan Việt Nam, lah rmôt tơm ƀư tĭng trong mât njrăng rnă njrăng neh dak, mât đăp mpăn nău rêh jêng kon nuĭh. Luật ntrŭnh ăp nău ƀư geh mô an, tâm nĕ mô an nău dun, nking n’gang nău ƀư bah Cảnh sát cơ động. Mô an rwăt, ndơ̆ prăk mô lah geh nău mpet đă cán bộ, tahen Cảnh sát cơ động ƀư tih đah nău dơi, nău kan dơi jao. Luật ntrŭnh đŏng cán bộ, tahen Cảnh sát cơ động ryơk n’hanh mât njrăng nău dơi, nău geh tâm di bah ngih pah kan, rmôt kan êng nuĭh; tâm rgop rjăp đah nuĭh ƀon lan, tâm ryơk, lĕ n’hâm rhŏ an nuĭh ƀon lan. Janh dăng, njrăng n’gang, nchrăp tâm lơh, lôch jêh uĕh ăp nău kan dơi jao.

Nuĭh rblang: Y Sưng Phê Ja