Nthoi tay rơh hop tâl 6, Nar 3/11, Quốc hội rong an lĕ du nar tâm nchră ta hội trường mpeh du đêt nkô̆ hôm êng êng bah trong nchrăp Luật neh ntu (rgâl nkra). Tĭng nău nchrăp, Quốc hội mbra n’gluh an dŏng Luật neh ntu (rgâl nkra) ta rơh hop dja. Yơn lah, tât rnôk dja, trong nchrăp Luật neh ntu (rgâl nkra) hôm geh âk nău rgop êng êng, lơn lah nău quy định sŏk mplơ̆ neh yor dŏng geh an neh dak, nsum mpôl; mpeh nău dơi tăch rgâl nău dơi dŏng neh tuch tăm, lơn lah neh tăm ba; mpeh nău dơi dŏng neh bah nuĭh Việt Nam gŭ rêh ta dak bah dih; mô lah trong năl rnoh khlay neh….

Tâm ôi 3/11 đŏng, ăp đại biểu rgop mpeh dăp rgum, trong nchrăp dŏng neh;  mpeh trong nchrăp ƀư jay tăch rgâl, trong nchrăp ƀư rlŭ nkre jay gŭ n’hanh tăch rgâl, rhŏ dŏng; mpeh hun hao, an lơh dŏng n’hanh mât tơm neh ntêm nkrem; mpeh pă an siƀŭt kơp dơn an rnăk wâl, ăp nuĭh dôl dŏng neh mô geh siƀŭt mpeh nău dơi dŏng neh, mô tih pháp luật mpeh neh ntu, mô mpeh săk nuĭh dơi jao neh tih n’glĕ nău dơi kan…âk đại biểu lah rjăp, aơ lah trong nchrăp luật dŭt n’hâm khlay, dăn đă ân mĭn uănh na nê̆ rnôk  n’gluh an dŏng. Nău n’gluh an dŏng trong nchrăp Luật dja ân ƀư kalơ nuih n’hâm đăp mpăn săk tam trong nchrăp Luật, tŏng đah nău ŭch geh ngăn ngăn./.