VOV4.M'nông: Ôi 23/5, ta Jay Quốc hội, ta nâm nău ƀư tơm bah kruanh Quốc hội Vương Đình Huệ, Quốc hội hŏ ntơm pơk rơh hop rgum tâl pe, Quốc  hội Khóa XV. Bah năp rơh hop, Kruanh dak Nguyễn Xuân Phúc, Thủ tướng Chính phủ Phạm Minh Chính, Kruanh Quốc hội Vương Đình Huệ n'hanh ăp đại biểu Quốc hội hŏ an kao si, lăp Lăng chop Kruanh Hồ Chí Minh.

Ta rơh hop dja, Quốc hội mĭn uănh, n'glêh an ntuh kơl 5 trong nchrăp ntung trong khlay lah trong nduar 4 nkual Thủ đô Hà Nội; Trong nduar 3 nkual ƀon têh Hồ Chí Minh; trong cao tốc Biên Hòa -Vũng Tàu; Trong cao tốc Khánh Hòa - Buôn Ma Thuột; Trong cao tốc Châu Đốc - Cần Thơ - Sóc Trăng. Kruanh Quốc hội Vương Đình Huệ lah rjăp, ăp đại biểu Quốc hội rgum an nău rgop mpeh nău khlay, jăch ndăn bah ăp trong nchrăp kan; tâm pă rơh ntuh kơl; nău tâm ban dơn ngoăy, ăp kôp đah lam rêng dăp rgum bah neh dak, nkual, n'gor geh trong nchrăp hăn rlău, nău dơi mpeh tâm pă tơm prăk n'hanh tâm leo ƀư trong nchrăp, ƀư bah nău n'glêh an ntuh kơl ngăch yơn ƀư mbrơi, ntoch jong, ƀư mpŭng lir, mbrach chrai tơm ndơ./.

Nuĭh rblang: Điểu Thân