VOV4.M'nông: Nar aơ (16/6), nar pah kan n'glĕ dŭt bah rơh hop  tâl 3, Quốc hội khóa 15, Quốc hội n'hơr ti uănh an dŏng 10 Nghị quyết n'hanh 2 luật. Kêng măng, Quốc hội hop mpôch dŭt. 10 Nghị quyết n'hanh 2 luật dơi Quốc hội n'hơr ti an dŏng lah: Nghị quyết mpeh rlong ƀư leo rƀŏng nău kan an nuĭh kan, ntĭm nti nău kan an nuĭh tih bah dih ndrung; Nghị quyết mpeh rlong an dŏng du đêt trong kan mha êng hun hao wăng sa n'gor Khánh Hòa; Nghị quyết mpeh Trong nchrăp ntuh kơl ƀư trong nduar 4 nkual Thủ đô Hà Nội; Nghị quyết mpeh Trong nchrăp ntuh kơl ƀư trong nduar 3 Nkual ƀon têh Hồ Chí Minh; Nghị quyết mpeh Trong nchrăp ntuh kơl ƀư trong cao tốc Khánh Hòa - Buôn Ma Thuột (rơh 1); Nghị quyết mpeh trong nchrăp ntuh kơl ƀư trong cao tốc Biên Hòa - Vũng Tàu (rơh 1); Nghị quyết mpeh trong nchrăp ntuh kơl ƀư trong cao tốc Châu Đốc - Cần Thơ - Sóc Trăng (rơh 1); Nghị quyết mpeh lôch jêh groi nđôi way nkô̆ “nău tĭng ƀư trong kơl, pháp luật mpeh pah kan dăp rgum kơp ntơm bah rnôk Luật dăp rgum geh nău tam dŏng"; Nghị quyết mpeh ôp n'hanh ơh nău ôp; Nghị quyết rơh hop tâl 3, Quốc hội khóa 15; Luật rgâl nkra, kơi ntop du đêt nkô̆ bah Luật Sở hữu trí tuệ n'hanh Luật Kinh doanh bảo hiểm (rgâl nkra).

Nuĭh rblang: Điểu Thân