Nar 6/11, ta nâm  nău ƀư tơm bah kruanh Quốc hội Vương Đình Huệ, Quốc hội ƀư rơh ôp n’hanh ơh nău ôp ta rơh hop tâl 6.  Lah ta rơh ntơm ôp, Kruanh Quốc hội Vương Đình Huệ lah kloh: ma rơh kan groi nđôi dja, Quốc hội mbra rƀah gĭt nô nău, rnoh ngăch n’hanh lôch jêh tĭng ƀư nghị quyết bah Quốc hội, nău tĭng ƀư ăp “nău ton”, nău nkol bah Chính phủ, ăp Bộ trưởng, Kruanh n’gâng kan.

Nău groi nđôi tay, uănh khlay ăp nău groi nđôi ăp nkô̆ nău lôch jêh bah kơi groi nđôi, tĭng groi nđôi tât dŭt ăp nkô̆ nău hŏ tă groi nđôi, ôp rkhêl gay kơl Chính phủ, ăp Bộ trưởng, Kruanh n’gâng kan geh rnôk mbơh đah Quốc hội, cử tri n’hanh ƀon lan mpeh nău he hŏ ƀư, mpư n’hao nuih n’hâm dơn kan, nkra kloh rvah, tât n’gu tơm nkô̆ nău Quốc hội hŏ ndơ̆ luh. Kruanh Quốc hội dăn đă ăp nuĭh Đại biểu Quốc hội ntik uĕh nuih n’hâm tâm rgop, dơn kan, ƀư kloh tât dŭt nău tĭng ƀư nău dăn đă mpeh ăp nkô̆ nău hŏ groi nđôi, ôp rkhêl./.