VOV4.M’nông- Ta nar pah kan tay ta rơh rƀŭn nchră tal 3, nar aơ 9/6, Quốc hội ƀư rơh ôp nău n’hanh ơh nău ôp. Ôi aơ, Thống đốc Ngân hàng ngih dak Việt Nam Nguyễn Thị Hồng geh ơh nău ôp ta năp Quốc hội. Lôch nĕ, kruanh n’gâng kan mât uănh ntung trong Nguyễn Văn Thể n’hanh groi Thủ tướng rnâng kan chính phủ Phạm Bình Minh ơh nău ôp ta năp Quốc hội. Ăp nkô̆ nău tơm geh kruanh n’gâng kan Nguyễn Văn Thể ƀư kloh na nê̆ ta rơh ôp nău nar aơ nĕ lah mpeh: nău ngăch, nău ueh n’hanh nău kan njrăng, rdâng roh rui, mpŭng lir tâm nău mbơh ƀư ăp nău nchrăp kan, nău kan ƀư trong tơm ngih dak, trong hăn têh. Nău kan uănh nđôi, uănh năl, mât đăp mpăn ueh ăp nău kan trong hăn lĕ geh ntuh kơl bâh tơm prăk ngih dak. Nău tât n’hanh trong mât kan ăp nău hôm nha kŏ khan bâh nău ntuh kơl, đại biểu Quốc hội, nuĭh way kan n’hanh ƀon lan knơm âk ta ăp trong kan mhe ma kruanh n’gâng kan mât uănh ntung trong mbơh tơih mbra geh ntop ƀư ntrôl ngăch nău kan ƀư ăp nău kan tơm khlăy bâh ngih dak.

Nuĭh rblang: Thị Đoắt