VOV4.M'nông- Lôch 19 nar pah kan đah nău  dơn kan têh, kêng măng nar naơ 16/6, rơh rƀŭn nchră tal 3 Quốc hội khóa 15 lĕ ƀư lôch ueh nkô̆ nău bâh rơh rƀŭn nchră n’hanh geh ƀư rơh rƀŭn nchră nglôch lôch.

Ê lor kruanh Quốc hội Vương Đình Huệ ntoh ngơi nglôch lôch rƀŭn nchră tal 3 Quốc hội khóa 15, ăp đại biểu lĕ geh mbơh Nghị quyết mpeh nău geh uănh nđôi bôk nău kan “nău ƀư tĭng kơl kan, pháp luật mpeh nău nchrăp kan kơp bâh ntơm Luật geh nău nchrăp kan geh ƀư tĭng”; Nghị quyết mpeh ơh nău n’hanh ôp nău. Quốc hội lĕ geh mbơh nău Nghị quyết rơh rƀŭn nchră tal 3, Quốc hội khóa 15, tâm nĕ geh nău ntoch jong tay nău dŏng lĕ rngôch nău ntrŭnh bâh Nghị quyết mbrô 42/2017 bâh Quốc hội mpeh rlong uănh năl rnon mô dơi tâm trok bâh ăp ntŭk kan an manh prăk, nkô̆ nău geh tât nău nchrăp ƀư trong Hồ Chí Minh n’hanh nău dŏng rnoh prăk manh tay, mât leo chính phủ jêng pă an tơm prăk ngih dak n’hanh ăp nău kan têh khlăy êng bâh neh dak.

Nuĭh rblang: Thị Đoắt