VOV4.M’nông: Lơ 25/5, rơh rƀŭn tal 3, Quốc hội gưl 15 lŏ ƀư bôk nau rƀŭn nchră đah âk nkô̆ nau khlay. Mông ôi, Quốc hội tâm nchră tâm rmôt mpeh nau ntop tay nau tă geh dơi ƀư nau hun hao văng sa rêh jêng ndrel tơm prăk ngih dak năm 2021, nau ƀư nau nchrăp hun hao văng sa, rêh jêng ndrel tơm prăk ngih dak kŏ kơt lah ăp khay bôk năm 2022, ân ƀư ntrŭnh dŏng trok lĕ tơm prăk ngih dak năm 2020, Nau kan ƀư têm nkrem, njrăng rdâng mpŭng lir năm 2021, Nau rgum ƀư ăp nau ntrŭnh mrô 42 bah Quốc hội mpeh nau rlong ƀư rklaih ăp nau khuch bah rnon mô geh dơi trok bah ăp ntŭk ân manh ndrel nau kan ntoch jong năm lơn ân ăp nau ntrŭnh bah mrô 42. Kêng măng, Quốc hội djăt nau mbơh đă, mbơh mêt uănh bah nau nchrăp Luật khám, săm ji (rgâl nkra), djăt nau mbơh mpeh nau nkoch, djăt, rgâl nau nchrăp Luật Điện ảnh (rgâl nkra) ndrel nau nchrăp tâm ngih rƀŭn mpeh du đê̆ nkô̆ nau hôm êng êng bah nau nchrăp Luật Điện ảnh (rgâl nkra)./.

Nŭih rblang: H’Thi