VOV4.M'nông: Nar aơ,  nar prăm (10/6) Quốc hội ƀư tâm nchră mpeh Bôk nău kan ntuh kơl 5 njăr trong me lah: Trong nduar 4 nkual Thủ đô Hà Nội; trong nduar 3 Nkual ƀon têh Hồ Chí Minh; trong nchrăp ƀư trong cao tốc Châu Đốc – Cần Thơ - Sóc Trăng; Khánh Hòa – Buôn Ma Thuột; Biên Hòa – Vũng Tàu. Aơ lah ăp trong nchrăp kan ƀư jêng ngăn ngăn nghị quyết Đại hội  13 bahh Đảng n'hanh nghị quyết 31 bah Quốc hội mpeh plơ̆ dăp rgum tay wăng sa tâm 20 năm, rdâk njêng ntung trong n'hanh n'hao dăng tâm rgop nkual.

Kêng măng ntri, rơh hop tâl 3, Quốc hội khóa 15 hŏ ƀư lôch jêh rơh ôp n'hanh ơh nău ôp ƀư tâm 2 nar n'gul. Groi Thủ tướng Rnâng kan Chính phủ Phạm Bình Minh hŏ ƀư kloh ăp nkô̆ nău geh tât n'hanh ơh ăp nău ôp bah đại biểu Quốc hội. Ăp đại biểu rnê âk nău ơh hŏ mpơl dơi rgâl mhe, rơh dja mô geh nuĭh bộ trưởng mbơh nău dơi bah n'gâng kan, jêng geh âk mông gay ăp đại biểu ôp. Ăp nkô̆ nău Quốc hội sơch ôp rơh dja ntoh bah nău geh ngăn ngăn, nkoch nău ŭch rŏng, nău mĭn bah cử tri n'hanh ƀon lan. Ơh nău ôp bah ăp bộ trưởng uănh nsum dŭt sŏng dăng, lăp tâm ăp nkô̆ nău, bôk năp di đah ăp nău ôp ma ăp đại biểu Quốc hội nkoch./.

Nuĭh rblang: Điểu Thân