VOV4.M’nông: Ôi lơ 14/6, Quốc hội tâm nchră ta ngih rƀŭn mpeh bôk nau nchrăp Luật ƀư ƀon lan ƀư tơm tâm dâng. Bah năp nar tâm nchră, âk nau rgop djăt tĭng nau khlay bah nau ntrŭnh Luật, yor ƀon lan ƀư tơm lah nau kan gay ma ƀon lan ƀư dơi nau ƀư tơm, ntoh nau mĭn, nau ŭch, nau geh jêng ndrel nau dơi bah nơm, râng tâm ăp nau kan bah Ngih dak ndrel nau rêh. Ndrel ma đă ân geh ntrŭnh nau ƀư n’hêl ăp nau mbơh, nau kan bah nŭih dâk bôk tâm nau ƀư Luật ƀon lan ƀư tơm tâm dâng. Bah năp nê, tâm nchră ta ngih rƀŭn mpeh nau nchrăp Luật ƀư ƀon lan ƀư tơm tâm dâng, âk ntoh măt Quốc hội đă ân geh uănh tay ăp nau mbơh nau kan, kŏ kơt lah ntrŭnh nau kan ân nŭih dâk bôk tâm nau ƀư Luật ƀon lan ƀư tơm tâm dâng. Xã, Phường, nkuăl têh lah gưl ntrŭnh, leo ăp nau ntrŭnh tâm nau rêh ndrel aơ kŏ lah gưl kan tâm dăch ma ƀon lan ngăn. Ndri ma, mbơh ân kloh rah vah tâm, nau ƀư ƀon lan ƀư tơm tâm dâng ân geh ƀư ân rjăp, đăp mpăn nau kan “ƀon lan gĭt, ƀon lan tâm nchră, ƀon lan ƀư, ƀon lan mêt uănh, ƀon lan geh dŏng”./.

Nŭih rblang: H’Thi