VOV4.M’nông- Ta rơh rƀŭn nchră tal 3, Quốc hội khóa 15, ôi nar 26/5, Quốc hội tâm nchră ta ntŭk rƀŭn nchră mpeh du đê̆ nkô̆ nău hôm nha geh âk nău tâm rgop êng êng bâh nău nchrăp Luật cảnh sát cơ động. Ta rơh tâm nchră, ăp đại biểu Quốc hội lĕ mpơl nău tâm ban ŭch âk đah nău mbơh tơih mbơh rblang, geh gĭt nău, rgâl nkra nău nchrăp Luật cảnh sát cơ động. Gay ma geh ƀư tĭng tay nău nchrăp Luật, ăp đại biểu Quốc hội lĕ rgum tâm rgop âk nău ƀư lôch ăp nău kơl kan têh, nău ntrŭnh mpeh nău dơi, trong kan, nău kan, gay ma rdâk njêng mpôl kan Cảnh sát cơ động cách mạng, kan ngăn, jăp blău, ueh mhe. Gay ma mpôl kan cảnh sát cơ động ƀư lôch ueh nău way kan, ăp đại biểu Quốc hội lĕ tâm rgop nău kan mpeh nău leo kan, tâm rgop đah ăp mpôl kan êng tâm ăp nău kan kơt lah, mât đăp mpăn rnă njrăng ta nkual n’har bri, leo kan vơt kơl ta dak lêng.

Nuĭh rblang: Thị Đoắt