VOV4.M’nông – Tâm 2 nar, nar aơ 1/6 n’hanh ôi taơ (2/6), Quốc hội tâm nchră ta Ngih rƀŭn mpeh uănh lah ntop tay jêh ƀư tĭng trong nchrăp hun hao wăng sa-rêh jêng n’hanh tơm prăk ngih dak năm 2021; nu nău ƀư tĭng trong nchrăp hun hao wăng sa-rêh jêng n’hanh tơm prăk ngih dak ăp khay bôk năm 2022; N’glôch jêh nău ƀư tĭng Nghị quyết mrô 42 bah Quốc hội mpeh rlong ƀư mkra rnon ơm bah ăp rmôt kan an manh. Ta rơh ntơm rơh rƀŭn Quốc hội, Groi Thủ tướng Chính phủ Lê Văn Thành nkoch nău mbơh mĭn lah: Chính phủ n’gluh an 12 rmôt nău kan trong mkra, tâm nĕ dơi uănh ngăn rgum uănh nđôi srê Covid-19 n’hanh rdâk hao ngăch, hun hao wăng sa rêh jêng nâp nâl. Mbơh ƀư ăp Nghị quyết bah Rƀŭn nchră Trung ương 5 (khóa 13), ngăn lah nău neh ntuh, wăng sa nsum, tuch tăm mât rong, nuĭh ƀon lan, thôn ƀon; ndăn jêh, mbơh an Quốc hội nkra Luật neh ntu năm 2013. Chính phủ mĭn lah mbơh ƀư dŭt n’hâm ăp trong mkra ntrôl pă an manh prăk ntuh kơl nsum; Nkre n’hao dơi tŏng ăp bah trong dak si. Ƀư uĕh rơh tốt nghiệp THPT n’hanh săch nti đại học, cao đẳng năm 2022.

Nuĭh rlang: Y Sưng Phê Ja