Tĭng bôk nău kan, tâm nar aơ (8/11) n'hanh ôi tay (9/11), ăp đại biểu Quốc hội tâm nchră ta hội trường mpeh ăp siƀŭt mbơh pah kan bah Chánh án Nhih phat dôih ƀon lan gưl têh, Viện trưởng Viện kiểm sát ƀon lan gưl têh; pah kan njrăng, n'gang nuĭh tih n'hanh nău kan tih pháp luật; pah kan dâk hăn rmal n'hanh pah kan njrăng, n'gang sa khâm năm 2022.

Ăp nău tih geh tât Công ty cổ phần Việt Á; Cục Lãnh sự, Bộ Ngoại giao; Tập đoàn FLC… n'hanh ăp nău tih geh tât sa khâm n'hanh ƀư kruanh têh tâm bah ri aơ hŏ dơi rmal lhăt, nkre geh nău lơh mbram, nkre geh nău ntĭm nti dŭt âk.  Yơn lah nău tih geh tât sa khâm n'hanh kruanh têh mô hŏ geh mpơl hŭch ma hôm geh trong rƀŏng hao âk, hao tât rlău 33%. Bah năp rơh tâm nchră mpeh nkô̆ dja, ăp đại  biểu quốc hội dăn đă rblang jru lơn n'hanh geh trong nkra tam gay ntrôl rŭch nău tih sa khâm n'hanh ƀư kruanh têh./.

            VOV/Nuĭh rblang: Điểu Thân