VOV4.M'nông: Ôi 6/6, Rơh hop tâl 3, Quốc hội khoá 15 tâm nchră ta rmôt mpeh Trong nchrăp ntuh kơl ƀư 3 njăr trong cao tốc Châu Đốc - Cần Thơ - Sóc Trăng (rơh 1); Khánh Hòa - Buôn Ma Thuột (rơh 1); Biên Hòa -Vũng Tàu (rơh 1) n'hanh trong nchrăp ƀư trong nduar 4 nkual Thủ đô Hà Nội n'hanh trong nduar 3 Nkual ƀon têh Hồ Chí Minh. Âk đại biểu mpơl nău tâm ban ŭch đah trong nchrăp ntuh kơl 5 njăr trong gay hun hao wăng sa - rêh jêng kon nuĭh, hun hao ntung trong ăp kôp, bah kol khan trong rnôk rdeng ndơ tăch, hŭch bah tâm tom ndeh. Yơn lah ăp đại biểu rgop na nê̆ đŏng, dăn đă Chính phủ ƀư kloh du đêt nkô̆ tâm trong nchrăp ntuh kơl tâm ban kơt ăp trong nkra tĭng ƀư trong nchrăp. Đah 3 njăr trong Châu Đốc - Cần Thơ - Sóc Trăng; Khánh Hòa - Buôn Ma Thuột; Biên Hòa -Vũng Tàu du đêt đại biểu mpơl nău wĭ wĕ yor geh tât âk neh bri, tâm nê êng njăr trong Khánh Hòa - Buôn Ma Thuột ân rgâl neh bri hvi tât rlău 219 rbăn ha./.  

Nuĭh rblang: Điểu Thân