VOV4.M’nông- Ƀư tay bôk nău kan rơh rƀŭn nchră tal 3, nar aơ 3/6, ăp đại biểu Quốc hội tâm nchră ta rmôt mpeh nău nchrăp Luật tơm pring rgâl mhe. Nău nchrăp Luật tơm pring rgâl mhe gay ma doh rklaih 6 rmôt nău kơl kan tơm geh: ăp nău ntrŭnh geh tât tâm kơl tơm pring, mpeh nău uănh nđôi nău kan bôk năp n’hanh ndơ̆ mbơh tĭng nău kan, an dŏng nău nchrăp kan tơm pring geh ăp rơh lvang uănh joi n’hanh sŏk dŏng tơm pring, nău ntrŭnh rpaih an nău ƀư tĭng nchrăp kan tơm pring tĭng roh kan bâh joi nău dơi uănh nđôi, sŏk dŏng, nchoăn rdeng, rmal njrăng, nkre lah an lor ntuh kơl đah nău nchrăp tơm pring tĭng rnoh tơm pring bâh ăp nău tâm ton tơm pring. Ntŭk mhe tâm nău nchrăp luật nĕ lah nău kơl kan rnoh thuế nău geh doanh nghiệp 25% n’hanh rnoh mplơ̆ sŏk prăk dŭt âk 80% geh dŏng đah rnoh tơm pring geh dơn nău kơl an ntuh kơl dŭt khlăy. Đah ăp rmôt nău kơl kan geh ndơ̆ mbơh ta rơh rgâl mhe aơ geh knơm âk mbra ntrôl ngăch n’hanh pah kan uănh joi, gay ma joi ăp rnoh nkrem ntêm mhe lăp dŏng tơm pring, nkre lah doh rklaih dơi nău tât tâm rnôk pah kan uănh joi sŏk dŏng.

Nuĭh rblang: Thị Đoắt