VOV4.M'nông: Tĭng bôk nău kan rơh hop tâl 3, Quốc hội khóa XV, nar aơ (31/5) Quốc hội pah kan ta Hội trường n'hanh ta rmôt tâm nchră du đêt trong nchrăp kan Luật khlay. Tâm rơh hop bah ôi, Quốc hội mbra djăt Ủy viên Ủy ban Thường vụ Quốc hội, Chủ nhiệm Ủy ban Pháp luật bah Quốc hội Hoàng Thanh Tùng răk si ƀŭt mbơh rblang, djăt nău rgop, rgâl di trong nchrăp Luật rgâl nkra, kơi ntop du đêt nkô̆ bah Luật Sở hữu trí tuệ. Lôch nê, Quốc hội tâm nchră ta hội trường mpeh du đêt nkô̆ hôm êng êng bah trong nchrăp Luật rgâl nkra, kơi ntop du đêt nkô̆ bah Luật Sở hữu trí tuệ. Lôch nê, nhih pah kan n'hanh nhih pah kan ƀư tơm ôp uănh di tay kan nsum mbơh rblang, ƀư kloh du đêt nkô̆ đại biểu Quốc hội nkoch. Tâm rơh hop kêng măng, Quốc hội tâm nchră ta rmôt mpeh trong nchrăp Luật njrăng, n'gang tâm lah tâm janh rnăk wâl (rgâl nkra) n'hanh trong nchrăp Luật tĭng ƀư geh nău tâm ban tâm dâng./.

Nuĭh rblang: Điểu Thân