VOV4.M'nông: Nthoi tay rơh hop tâl 3, ôi 30/5, tâm nchră ta hội trường mpeh nău tĭng ƀư trong kơl, pháp luật mpeh pah kan dăp rgum kơp ntơm bah rnôk Luật dăp rgum geh nău tam an dŏng, ăp đại biểu nchŏng kloh ăp nău khoah tâm ra tay ăp tŏng dăp rgum, jêng tât hôm 104 dăp rgum mô hŏ ƀư lôch jêh, khuch tât hun hao wăng sa- rêh  jêng kon nuĭh. Tĭng ăp đại biểu, Luật rdâk njêng quy định đồ án dăp rgum ân dơi mbơh ta trang thông tin điện tử bah nhih pah kan njêng dăp rgum. Yơn lah, pah kan mbơh kloh nău lư dja hôm lah ngơi dơm ma mbung, lơn lah dăp rgum rdâk njêng, dăp rgum neh . Âk nău đại biểu rgop dăn đă Quốc hội an dŏng Nghị quyết groi nđôi nău tĭng ƀư trong kơl, pháp luật mpeh pah kan dăp rgum n'hanh du đêt trong nkra gay droh rklaih jêr jŏt, kŏ kol, n'hao săk tam n'hanh ntrôl ngăch ƀư njêng dăp rgum. Nkre dăn đă rnôk njêng dăp rgum ân grêt dăch tĭng ngăn ngăn, uănh năl dơi săk geh, dơh uĕh, nău dơi tâm rlong bah ăp n'gâng kan, ăp n'gor; ntop quy định, trong nchâp đă nkra rmal na nê̆ đah nuĭh mbrơi mô lah mô mbơh kloh nău lư dăp rgum./.

Nuĭh rblang: Điểu Thân