Răm nuih n’hâm ta trong hăn rphot n'gor Dak Nông sĭt ƀon tơm sa Tết.
Thứ hai, 15:49, 05/02/2024
VOV Tây Nguyên/Nuĭh rblang: Thị Đoắt
VOV Tây Nguyên/Nuĭh rblang: Thị Đoắt
VOV4.M'nông- Bâh nar 2/2 nĕ lah 23 khay chạp, mpôl kan cảnh sát giao thông n’gor Dak Nông lĕ geh mbơh tơih bôk nău kan “hăn ndrel đah nuĭh tât râng hăn trong ta rơh Tết”, pă dak ngêt, ndu môp n’gang bôk nâp kơl an ăp nuĭh hăn ndeh máy bâh ăp n’gor mpeh ba dâng sĭt rphot ta Dak Nông.
Ăp nău kan bâh cán bộ tahen mât đăp mpăn hăn trong dôl ƀư răm nuih n’hâm nuĭh dôl hăn ta trong sĭt ƀon tơm, ntop mât đăp mpăn hăn trong. Bâh rnoh kơp nar ƀư tĭng bôk nău kan 2/2/2024, mpôl kan têh lĕ geh pă an rlău 4 rbăn rchok dak, 4 rbăn bok nđik, 1.200kg bum prŭm gâm sĭn, 1.500 mbo gâm sĭn, 2.500 banh mì n’hanh rgâl an ƀon lan 250 môp n’gang bôk ueh nâp, đah lĕ rnoh khlăy rlău 50 rkeh prăk geh rgŏ jă tâm rgop bâh ntŭk rêh jêng.
Bôk nău kan “hăn ndrel đah nuĭh tât râng hăn trong ta rơh Tết” lah nău kan dŭt khlăy, mpơl nău mĭn yor ƀon lan kơl an bâh nuĭh tahen công an nhân dân Việt Nam, ntop tâm kơl nău jêr đah nuĭh gŭ ngai rnăk vâl sĭt vơt tết, nkre lah mât đăp mpăn hăn trong ta trong tơm trong Hồ Chí Minh hăn let Tây Nguyên.
Viết bình luận