VOV4.M’nông –  Ăp nar aơ, ta Ntŭk ntop kơl kon nuĭh n’gor Gia Lai, ăp gưl n’gâng kan nsum mpôl ndrel âk nuĭh lŏng bôk tôr lĕ tât ntrŭt nsôr, an ndơ, ƀư trung thu an ăp oh jêt kon đơi, geh nău rêh jêr jŏt wơt yan trung thu răm m’ak. Aƀaơ Ntŭk ntop kơl kon nuĭh n’gor Gia Lai dôl mât rong 140 nuĭh, tâm nĕ geh 54 kon se kon đơi, geh ntlơi mô lah mô geh ntŭk nsing nơm.

Răm Trung thu ta ntŭk ntop kơl kon nuĭh Gia Lai

Ăp nar bah năp âk nuĭh lŏng bôk ntôr lĕ kơl prăk n’hanh ndơ kơt ƀănh, kĕo, ndơ pâl... gay ăp oh dơi wơt du yan Trung thu răm m’ak kơt ăp băl ndrel du rơh. Wa Tạ Thị Anh Đào, Kruanh Ntŭk ntop kơl kon nuĭh an gĭt:

 Ăp n’gâng kan nău kan, ăp nsum mpôl geh uănh tât da dê, âk ntŭk kan tât an ndơ an ăp mon, rgŏ jă ăp mon. Tât aƀaơ lĕ geh 8 rmôt tât an ndơ rgŏ jă gay an ăp mon saơ n’hŭch oi nău rngot ma saơ kon nuĭh uănh tât n’hanh ăp mon geh ăp nuĭh rgum mât na nao”.

Nuĭh rblang: Y Sưng Phê Ja