Ôi nđaơ (7/11) ta Hà Nội, N’gâng kan Tuch tăm mât rong n’hanh hun hao ƀon lan tâm rgop đah ăp N’gâng kan: Dak si, Tài nguyên n’hanh Môi trường n’hanh Ngih pah kan hun hao lam ntŭr neh Hoa Kỳ (USAID) ta Việt Nam ndrel ƀư tơm “Rƀŭn gưl prêh way ƀư ăp năm 2023 mpeh Du săk soan Njrăng n’gang srê bah Mpa rŏng tât nuĭh” lvang 2021-2025. Ăp tâm nchră ta Rƀŭn ntĭm kloh ăp nău ê hŏ dơi ƀư n’hanh dăn đă trong mkra gay n’hao tâm rgop âk nău kan ƀư tĭng ăp nău rƀŏng n’hanh nău kan bah Trong nchrăp lam dak âk nău kan Du săk soan.

Groi Kruanh N’gâng kan tuch tăm mât rong n’hanh hun hao ƀon lan Phùng Đức Tiến mĭn lah, tâm ton n’hao kan ndrel tâm ntil nău njrăng n’gang srê bah mpa rong tât nuĭh; n’hao nău tơm hăn lor, ƀĭt joet n’hanh nău đă bah N’gâng kan tuch tăm mât rong n’hanh hun hao ƀon lan đah Rpăih kan ndrel Du săk soan mpeh njrăng n’gang srê bah mpa rong tât nuĭh; kuăl jă ăp ding nchrăp lor, nsrôih tâm rgop n’hanh ntop kơl ndrel tâm njrăng n’gang srê.