VOV4.M’nông: Lơ 4/3, ta nkuăl ƀon têh Phú Quốc, n’gor Kiên Giang, N’gâng kan nchră nau Việt Nam ƀư rƀŭn lôch 20 năm ƀư nau kan pă n’gâng n’har đah neh kơh Việt Nam-Campuchia. Groi Thủ tướng Rnâng kan Phạm Bình Minh râng rơh rƀŭn. Ntoh nau tâm nar rƀŭn, Kruanh N’gâng kan nchră nau Bùi Thanh Sơn ân lah: rơh rƀŭn geh nau khlay ngăn gay lah rjăp nau kan ƀư pă n’gâng nklăp 84% trong n’har neh kơh Việt Nam-Campuchia.

Lôch, nchră ndrel rhuăt nau blau kan 20 năm ntrŭnh ƀư nau tâm nchră pă n’gâng neh kơh Việt Nam- Campuchia, nkre nchrăp nau rƀŏng nau kan n’har bri đah Việt Nam-Campuchia tâm rơh tât, tâm nê geh nau ntrut dăng tâm nchră nau ntăm n’gâng n’har 16% trong n’har bri hôm êng êng./.

Nŭih rblang: H’Thi